Սկանդալ ԱԻՆ-ում․ ձերբակալվել են նախկին փոխնախարար «տառական»-ը և եւս 2 հոգի «Ժամանակ»

Սկանդալ ԱԻՆ-ում․ ձերբակալվել են նախկին փոխնախարար «տառական»-ը և եւս 2 հոգի «Ժամանակ»
Հուլիս 10 09:44 2018

«Ժամանակ» թերթը գրում է․ «Արտակարգ իրավիճակների նախարարությունում տեղի ունեցած բացահայտումները կարող են հերթական սկանդալի պատճառ դառնալ։

Հիշեցնենք, որ ԱԱԾ-ն չարաշահումներ է հայտնաբերել նաեւ արտակարգ իրավիճակների նախարարությունում։ Կա հարուցված քրեական գործ, որով կան ձերբակալված նախկին պաշտոնատար անձինք, որոնց անունները գաղտնի են պահվում։

«Ժամանակ»-ի տեղեկություններով՝ ձերբակալվածների թվում է ԱԻՆ նախկին փոխնախարար Համլետ Աբրահամյանը, ով հայտնի է նաեւ «տառական» մականունով։ «Տառականը» ԱԻՆ-ում էր հայտնվել դեռեւս ԱԻ նախկին նախարար Արմեն Երիցյանի ժամանակ։

Երիցյանը Աբրահամյանին իր հետ ԱԻՆ էր տարել Ոստիկանության 6-րդ վարչությունից։ Մեզ հասած տեղեկություններով՝ ձերբակալված հաջորդ պաշտոնյան ԱԻՆ աշխատակազմի նախկին ղեկավար Գագիկ Հայրապետյանն է։ Նա այդ պաշտոնում էր 2016 թվականի հոկտեմբերից եւ ազատվեց այս տարվա մայիսի 17-ին կառավարության որոշմամբ։

Նույն տեղեկությունների համաձայն՝ ձերբակալվել է նաեւ ԱԻՆ ֆինանսական վարչության նախկին աշխատակցուհի»։

Առավել մանրամասն՝ թերթի այսօրվա համարում