Սաուդյան Արաբիայում կանայք իրենց ավտոմեքենաներով զանգվածաբար դուրս են եկել թագավորության քաղաքների փողոցներ: Այս մասին հաղորդում է RIA Novosti-ն:
Գործակալության տվյալներով՝ հունիսի 24-ին Սաուդյան Արաբիայի թագավորի՝ կանանց մեքենա վարելու թույլտվությունը մտել է ուժի մեջ:
Ինչպես նշվում է, մինչ այսօր Սաուդյան Արաբիան աշխարհում միակ երկիրն էր, որ կանանց արգելվում էր նստել ղեկին:
Ավելի վաղ հաղորդվել է, որ Սաուդյան Արաբիայի իշխանությունները պատմության մեջ առաջին անգամ կանանց հանձնել են վարորդական իրավունքներ: