ՌԴ Սուրգուտ քաղաքում գիշերային ակումբում իր տարեդարձը նշող այցելուհին մահացել է: Նրա վրա ընկել է պլազմային էկրանը: Այս մասին հայտնում է Lenta.ru-ն՝ վկայակոչելով տեղի աղբյուրն ու ականատեսներին:
Նրանց խոսքով՝ կնոջ վրա ընկել ողջ սարքավորումը, որին ամրացված է եղել 4 հեռուստացույց: Կատարվածի արդյունքում նա գանգուղեղային բաց վնասվածք է ստացել և մահացել: Նշվում է, որ նա տոնելիս է եղել իր 36-ամյակը:
Աղբյուրը մասնավորեցնում է, որ կատարվածի առնչությամբ նախաքննություն է կատարվում:
