Առնետը մտել է բանկոմատի մեջ և 42,000 դոլարին համարժեք թղթադրամ կերել

Առնետը մտել է բանկոմատի մեջ և 42,000 դոլարին համարժեք թղթադրամ կերել
Հունիս 23 22:07 2018

Հնդկաստանի Թինսուկիա քաղաքում մի առնետ մտել է բանկոմատի մեջ ու մեծ քանակությամբ թղթադրամներ կերել։ Երբ աշխատողները բացել են բանկոմատի դռնակը, հայտնաբերել են կտոր-կտոր եղած թղթադրմաներ և սատկած առնետ։

 

«Բանկոմատի հետ տեխնիկական խնդիրներ կային և այն չէր աշխատում։ Այդ պատճառով էլ մեր աշխատակիցները գնացել էին, որպեսզի նորոգեն այն։ Սակայն դռնակը բացելուց հետո նրանք ապշել էին»,-լրատվամիջոցներին պատմել է բանկի գլխավոր մասնաճյուղի մենեջերը։

 

 

 

Պարզվել է, որ անհայտ ճանապարհով առնետը մտել է բանկոմատի մեջ և օրեր շարունակ սնվել թղթադրամներով՝ բանկին պատճառելով խոշոր վնասներ։

 

«Մենք քննություն ենք սկսել, որպեսզի հասկանանք, թե ինչպես է առնետը հայտնվել բանկոմատի ներսում, քանի որ դրա վրա տեղադրված տեսախցիկները չեն ֆիքսել նրան, ինչպես նաև, որպեսզի հետագայում կանխենք նման դեպքի կրկնությունը»։

 

 

 

Բանկոմատում 2.9 միլիոն հնդկական ռուփի (համարժեք է մոտավորապես 42.000 ԱՄՆ դոլարին) է եղել, որից 1.7 միլիոնը, բարեբախտաբար, հնարավոր է եղել վերականգնել։ Մնացած 1.2 միլիոն ռուփիին (մոտավորապես 18.000 ԱՄՆ դոլար) համարժեք թղթադրամները վերականգնել չի հաջողվել։