Անգլիայի Ֆուտբոլի Ֆեդերացիայի նախագահն այցելել է Հայաստան


Անգլիայի Ֆուտբոլի Ֆեդերացիայի նախագահն այցելել է Հայաստան
Հունիս 23 17:30 2018

Հունիսի 21-ին երկօրյա աշխատանքային այցով Հայաստան է ժամանել Անգլիայի Ֆուտբոլի Ֆեդերացիայի նախագահ Գրեգ Քլարքը, որին ուղեկցել է Միջազգային Հարաբերությունների բաժնի ղեկավար Ջեյն Բեյթմենը:

 

Այս մասին հայտնում է ՀՖՖ-ի պաշտոնական կայքը:

 

ՀՖՖ ղեկավարության հետ հանդիպման ընթացքում քննարկվել են հնարավոր համագործակցության ոլորտներն ու ուղղությունները և ձեռք բերվել կոնկրետ պայմանավորվածություններ, համաձայն որոնց երկու ֆեդերացիաների իրավաբանական ծառայությունները նախագահների ստորագրությանը կներկայացնեն գլոբալ գործընկերության և համագործակցության պայմանագրի նախագիծը:

 

Իսկ մինչ այդ՝ ՀՖՖ տեխնիկական տնօրենն անգլիական ֆուտբոլի մարզչական լավագույն փորձի ուսումնասիրության նպատակով կհյուրընկալվի իր գործընկերոջ կողմից և նրանք իրենց հերթին ևս կքննարկեն տեխնիկական և մարզչական կրթական ոլորտում համագործակցության հնարավորությունները:

 
 

 

 

Հյուրերն այցելել են նաև ՀՖՖ Տեխնիկական կենտրոն` Ֆուտբոլի ակադեմիա և շատ բարձր գնահատել ինչպես ենթակառուցվածքներն, այնպես էլ տարվող աշխատանքները:



loading...