ՄԱԿ-ի փախստականների հարցերով զբաղվող գործակալության հատուկ դեսպան և հոլիվուդյան դերասանուհի Անջելինա Ջոլին շաբաթ այցելել է «Իսլամական պետություն» ահաբեկչական խմբավորման գրոհայիններից ազատագրված իրաքյան Մոսուլ քաղաք:
Ինչպես հայտնում է РИА Новости-ն՝ վկայակոչելով իրաքյան հեռուստաընկերությանը, դերասանուհին իր այցելության շրջանակներում եղել է ռազմական գործողություններից առավել տուժած շրջաններում: Ջոլին եղել է նաև ան-Նուրի մզկիթի ավերակներում, որտեղ ԻՊ-ի պարագլուխը 2014 թվականին «խալիֆայություն» հռչակելու մասին հայտարարություն էր արել:
Հնագույն վանական համալիրի համար իրաքցի զինվորականների և իսլամիստ գրոհայինների միջև զինված պայքար էր ընթանում 2017-ի ամռանը:
Իրաքյան աղբյուրի տեղեկացմամբ՝ Ջոլիի այցի նպատակը հումանիտար օգնության տրամադրումն ու Իրաքի մեծությամբ երկրորդ քաղաքի ավերածությունների մասշտաբներին ծանոթանալն էր: