Ուլյանովսկի մանկական հիվանդանոցի բժիշկներն արտասովոր դեպքի են հանդիպել։ Նրանք երեխայի բրոնխներից ատամ են հանել։ 3-ամյա աղջիկը հիվանդանոց է տեղափոխվել դժվարաշնչությամբ ու շնչահեղձությամբ։ Նման վիճակում նա հայտնվել է քաղաքի ատամնաբուժարաններից մեկում ատամը հեռացնելուց հետո։
Բուժզննությունը ցույց է տվել, որ երեխայի բրոնխներում օտար մարմին կա։ Վիրահատությունից հետո պարզվել է, որ դա ատամ էր։ Վիրահատությունը, բարեբախտաբար, հեշտ է անցել՝ առանց բարդությունների, հաջորդ օրը փոքրիկը դուրս է գրվել։
Աղբյուր՝ Բուժ ինֆո
