Մեկնարկեց ֆուտբոլասերների կողմից շատ սիրված և սպասված Աշխարհի 2018 թվականի առաջնությունը:
Մեկնարկային խաղում Մունդիալն ընդունող Ռուսաստանի հավաքականը հյուրընկալել էր Սաուդյան Արաբիայի ընտրանուն:
Ռուսները վստահ խաղով հաղթեցին 5:0 հաշվով:
12-րդ րոպեին Գոլովինի հիանալի փոխանցումից հետո Գազինսկին գլխի դիպուկ հարվածով գնդակն ուղարկեց դարպասը՝ բացելով հաշիվը:
Այս գոլը Մունդիալ-2018-ի առաջին գոլն էր:
43-րդ րոպեին Ձագոևի փոխարեն խաղադաշտ մտած Անդրեյ Չերիշևը հիանալի խաղից հետո երկրորդ գնդակն ուղարկեց մրցակցի դարպասը:
71-րդ րոպեին փոխարինման մտած Ձյուբան գլխով դիպուկ հարվածեց Գոլովինի հիանալի փոխանցումից հետո:
Մրցավարի ավելացրած առաջին րոպեին Չերիշևը նաև դուբլ ձևակերպեց. 4:0, բայց դա դեռ վերջը չէր:
90+4-րդ րոպեին Գոլովինը տուգանայինից ֆանտաստիկ գոլով գնդակն ուղարկեց դարպասը՝ ձևակերպելով վերջնարդյունքը՝ 5:0:
Ստանիսլավ Չերչեսովի գլխավորած հավաքականը հաղթեց խոշոր հաշվով և միանգամից գլխավորեց A խումբը:
Խմբի մյուս խաղում վաղը՝ հունիսի 15-ին մրցելու են Եգիպտոսը և Ուրուգվայը:
