ԱԺ «Ելք» խմբակցության նորընտիր պատգամավոր, «Լուսավոր Հայաստան» կուսակցության անդամ Հայկ Կոնջորյանն այսօր լրագրողներին ասաց, որ դեռևս որոշում չկա, թե ով է լինելու խմբակցության ղեկավարը: «Թույլ տվեք սպասել, մինչև վերջնական որոշում կլինի, ապա կհայտարարենք»,-նշեց նա:
Խմբակցության ղեկավարը ներկայիս վարչապետ Նիկոլ Փաշինյանն էր:
Պատգամավորի խոսքով՝ իրենց դաշինքում խնդիրներ չկան, եթե եղել էլ են, ուրեմն հարթվել են, քանի որ ինքը լարվածություն չի տեսնում:
Նա նաև հայտնեց, որ այս պահին առարկայական որևէ որոշում չկա, թե համաձայնության կառավարությունը կարող է ամրագրվել կոալիցիոն հուշագրով:
