«Ձեր ցավը տանեմ»: Այսպես դիմեց Հանրապետության հրապարակում հավաքված քաղաքացիներին Նիկոլ Փաշինյանը: Նա հայտարարեց, որ վերջին 24 ժամվա մեջ եղել է կատարյալ մեկուսացման մեջ: Նա դիմեց ժողովրդին, ասելով, որ երկու ժամով մեկուսանում է, քանի որ գործընկերների հետ քննարկումներ է իրականացնելու, կապված նաեւ մյուս կալանավորվածների հարցի հետ կապված:
Նա բոլորին ժամը 18: 30 հրավիրեց Հանրապետության հրապարակ, որտեղ կայանալու է հաղթական հանրահավաքը: «Պարզ է, չէ, որ հաղթել ենք», – դիմելով ժողովրդին հայտարարեց Փաշինյանը:
Նշենք, որ հարթակում նրա կողքին էին կանգնած մյուս առաջնորդները: