Ավարտվեց Սերժ Սարգսյանի ու Նիկոլ Փաշինյանի հանդիպումը:
Սերժ Սարգսյանը հայտարարեց, որ այլևս ցանկություն չունի խոսել Փաշինյանի հետ ու հեռացավ:
Վարչապետի հեռանալուց հետո Նիկոլ Փաշինյանը ժողովրդին կոչ արեց դուրս գալ զանգվածային անհնազանդությունների գործողությունների:
«Այսօր ժամը 19:00-ին կրկին հավաքվել Հանրապետության հրապարակում», - ասաց Փաշինյանը:
Նիկոլ Փաշինյանն ընդգծեց, թե ՀՀ վարչապետ Սերժ Սարգսյանը «կորցրել է ադեկվատության զգացումը»:
«Նա լավ չի տիրապետում իրավիճակին և ուրեմն մենք պետք է շարունակենք ճնշումներն այնքան ժամանակ, քանի դեռ պարոն Սարգսյանի համարժեքության զգացողությունը չի վերականգնվել», - ասաց նա:
Նիկոլ Փաշինյանը ոստիկանությանը կոչ արեց չխոչընդոտել ժողովրդի խաղաղ հավաքը: