Ռուսաստանը հետեւում է Հայաստանում տեղի ունեցող իրադարձություններին։ Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։
Նա նշել է, որ իրենք հույս ունեն, որ ամեն ինչ ընթանում է օրինականության շրջանակներում։
«Մենք հետեւում ենք Հայաստանում տեղի ունեցող իրադարձություններին եւ, ամենակարեւորը, հույս ունենք, որ ամեն ինչ ընթացել է օրինականության շրջանակներում», - ասել է Պեսկովը՝ հիշեցնելով, որ նախօրեին Ռուսաստանի նախագահ Վլադիմիր Պուտինը շնորհավորական հեռագիր էր հղել Սերժ Սարգսյանին՝ ՀՀ վարչապետի պաշտոնում ընտրվելու կապակցությամբ, իսկ ավելի ուշ նրանց միջեւ հեռախոսազրույց էր կայացել:
