«Բարսելոնայի» գլխավոր մարզիչ Էռնեստո Վալվերդեն կարող է լքել զբաղեցրած պաշտոնը մրցաշրջանի վերջում: Այս տեղեկությունը տարածել է կատալոնական «Sport.es»-ը:
Ըստ աղբյուրի` Չեմպիոնների լիգայում դուրս մնալուց հետո «Բարսելոնան» պարտավոր է նվաճել Իսպանիայի առաջնության չեմպիոնի կոչումը և Իսպանիայի Գավաթը:
«Կապտանռնագույնների» ղեկավարությունը կարծում է, որ ՉԼ-ից դուրս մնալուց հետո ակումբը ոչ միայն բաց է թողել գավաթը նվաճելու հնարավորությունը, այլ նաև ճանապարհ է բացել իր հավերժ մրցակցի` Մադրդի «Ռեալի» համար:
Նշվում է, որ Վալվերդեի աշխատանքը գնահատվելու է ոչ միայն «Բարսելոնայի» նվաճած տիտղոսներով, այլ նաև այս մրցաշրջանում «Ռեալի» հաջողություններով:
