Մադրիդի «Ռեալի» վինգեր Գարեթ Բեյլի գործակալ Ջոնաթան Բարնետը մեկնաբանել է այն լուրերը, իբր ուելսցին ցանկանում է լքել «արքայական» ակումբը, գրում է «ESPN»-ը:
«Գարեթը սիրում է «Ռեալը», իսկ ակումբը՝ նրան: Բեյլի հեռանալու մասին բոլոր խոսակցությունները հորինել են լրատվամիջոցները՝ չունենալով անգամ պատկերացում, թե ինչ է կատարվում իրականում:
Նրանք պարզապես գրում են, իսկ ինֆորմացիան ճիշտ է , թե սխալ, իրենց համար կարևոր չէ»,- գործակալի խոսքերն է մեջբերում պարբերականը:
Հիշեցնենք, որ իսպանական մի շարք լրատվամիջոցներ ավելի վաղ գրել էին այն մասին, թե Բեյլը ցանկանում է լքել Մադրիդի «Ռեալը» խաղաժամանակի պակասի պատճառով:
