«Մանչեսթեր Յունայթեդը» մտադիր է ձեռք բերել ՊՍԺ-ի հարձակվող Նեյմարին, տեղեկացնում է «Mirror»-ը:
Բրիտանական լրատվականի տեղեկություններով «մանկունյանցիները» պատրաստ են Նեյմարին ձեռք բերելու համար փարիզյան ակումբին զիջել Պոլ Պոգբային և Անտոնի Մարսիալին՝ հավելյալ վճարելով նաև 57 մլն եվրո:
Նեյմարը վնասվածքի պատճառով փետրվարից սկսած խաղադաշտ դուրս չի եկել:
Բրազիլացին վնասվածք էր ստացել փետրվարի 25-ին «Մարսելի» դեմ խաղում: Հիմա ֆուտբոլիստը գտնվում է վերականգնման փուլում:
Այս մրցաշրջանում 26-ամյա ֆուտբոլիստը ՊՍԺ-ի մարզաշապիկով անցկացրել է 29 հանդիպում՝ խփելով 29 գնդակ և կատարել է 17 գոլային փոխանցում:
