Նախարարը գնացել է Ռուբեն Հայրապետյանի մոտ՝ տարաձայնությունները հարթելու. «Հրապարակ»

Նախարարը գնացել է Ռուբեն Հայրապետյանի մոտ՝ տարաձայնությունները հարթելու.
«Հրապարակ»
Փետրվար 22 08:28 2018

«Հրապարակ» թերթը գրում է. «Սպորտի եւ երիտասարդության նախարար Հրաչյա Ռոստոմյանը, հայ դահուկորդին դահուկներ ուղարկելուց հետո, ձեռնամուխ է եղել ֆուտբոլում տարաձայնությունների հարթեցմանը։

Երեկ նա գնացել է Ֆուտբոլի ֆեդերացիայի նախագահ Ռուբեն Հայրապետյանի մոտ, որը, եթե հիշում եք, ասել էր․ «Հրաչյա Ռոստոմյանն ո՞վ է. կներեք․․․ թող ինքն ատամնաբուժությամբ զբաղվի»: Ռոստոմյանն էլ ասել էր․ «Ես հպարտանում եմ իմ առաջին մասնագիտությամբ»՝ ատամնաբուժությամբ:

Գնացել էր խոսել-պայմանավորվելու Ծառուկյանի` ֆուտբոլին մասնակցության մասին։ Ռոստոմյանը տեղեկացրել է, որ Ծառուկյանը պատրաստվում է վերանորոգել Աբովյանի ֆուտբոլի մարզադաշտը, պայմանավորվել են, որ այսօր միասին գնան` մարզադաշտը նայելու:

Ի դեպ, երեկ Մարոկկոյից վերադարձած Ծառուկյանն օրերս հանդիպելու է Սերժ Սարգսյանին, որ ասի՝ դաշինքը կողմ է քվեարկելու Արմեն Սարգսյանին»:

Առավել մանրամասն՝ թերթի այսօրվա համարում

loading...