Ցանկացած նվեր պետք է ընտրել սրտի թելադրանքով: Ցանկացած մեկին հաճույք պատճառելը չափազանց դյուրին է, եթե դուք հաշվարկներ չեք անում: Նախ, մոռանանք այն թյուր կարծիքը, որ կարևոր է նվերի արժեքը: Ամենևին, և հանդգնեմ ասել, ինչքան թանկարժեք է ձեր նվերը, այնքան քիչ է դրանից ստացվող հաճույքը: Սա որպես չգրված օրենք: Եվ երկրորդ, երբեք մի մտածեք, թե ինչ է անհրաժեշտ կնոջը, այլ մտածեք ինչն է ձեր կարծիքով նրան պակասում: Եթե դուք երկար մտածում եք ինչ նվիրել, ուրեմն կոպիտ ասած դուք սրտանց չեք նվիրում, այլ որպես պարտականություն: ՄԻ արեք դա, աղջիկները զգում են.....Ստորև կներկայացնեմ մի քանի օրինակներ, ինչպես կարելի է օրիգինալ նվեր մատուցել աղջկան: Հուսով եմ սրանք կծառայեն ոչ թե նվերներ, այլ օրինակներ, որոնք կոգևորեն ձեզ և կփորձեք հորինել ձեր ոճը:
1.Շոկոլադ - այո, այն ամենից քաղձր ու սիրառատ նվերն է կանանց, ջերմացրեք նրանց գեղեցիկ շոկոլադե նվերով, նրանք դա երկար կհիշեն:
2.Ծաղկեփունջ - Իհարկե սա սուբյեկտիվ մոտեցում է պահանջում, ոչ բոլոր կանայք են սիրում ծաղիկներ, օրինակ ինքս գերադասում եմ դրանց հանդիպել բնության գրկում:
3.Զարդեր - չի գտնվի մի կին, ով կհրաժարվի զարդերից, բայց հիշեք, զարդեր ընտրելը կնոջ համար չափազանց դժվար է, եթե դեռ ծանոթ չեք նրա ճաշակին, ավելի լավ է հրաժարվեք այս գաղափարից:
4.Պատվոգիր - հրաշալի մոտեցում է, որը անձնապես կարող եք ուղղել ձեր սիրելիին, կամ հարազատին, ես ինքս այն օգտագործել եմ: Միշտ հաճելի է գնահատված լինել, ուրեմն մրցանակ շնորհեք ձեր սիրելիին, թող նա իրեն կարևոր զգա:
5. Ռոմանտիկ երեկո - անկախ ձեր ընտրած նվերից, կազմակերպեք հաճելի միջավայր, որտեղ կկարողանաք ձեր ողջ ուշադրությունը հատկացնել նրան, իսկ մայրերի ու քույրերի համար լցրեք տունը փուչիկներով ու լենտերով, ցանկացած կին սիրում է գույներ և խաղաղություն:
6.Փուչիկներ - դրանք միշտ հաճելի են, նույնիսկ պարտադիր, միշտ արտահայտիչ ու զգալի են դարձնում ձեր նվերը և պարուրում հեքիաթով, անկախ տարիքից:
7.Բարձ - օրիգինալությունը միշտ ավելի շատ է գնահատվում, քան ինքը նվերը, պատրաստեք ինքներդ և արդյունքը կգերազանցի ձեր սպասելիքները:
8.Գիրք - այն բոլոր օրերին կարելի է նվիրել, իսկ ահա միամսյակին կարելի է ընրտրել սիրային ոճի պատմվածքներ, հատկապես աղջիկները կգնահատեն ձեր ընտրությունը:
9.Պայուսակ, կոշիկ - եթե դժվարանում եք ընտրության հարցում, ձեր ընտրյալին բավարարելը դժվար է, ապա փորձեք աս տարբերակը, այն միշտ հաճելի է :
