Մեսսին ՉԼ-ում գոլ չի խփել միայն 6 ակումբների

Մեսսին ՉԼ-ում գոլ չի խփել միայն 6 ակումբների
Փետրվար 21 21:15 2018

Կատալոնական «Բարսելոնայի» արգենտինացի հարձակվող Լիոնել Մեսսին Չեմպիոնների լիգայի 1/8 եզրափակչի՝ Լոնդոնի «Չելսիի» հետ խաղում դարձել էր գոլի հեղինակ (1:1):

Այսպիսով, մնացել է միայն 6 ակումբ, որի դարպասը «Ոսկե գնդակի» հնգակի դափնեկիրը չի կարողացել գրավել այդ մրցաշարում:

Դրանք են իտալական «Ուդինեզեն» (70 րոպե), Լիսաբոնի «Բենֆիկան» (122 րոպե), անգլիական «Լիվերպուլը» (180 րոպե), Կազանի «Ռուբինը» (237 րոպե), Միլանի «Ինտերը» (270 րոպե) և Մադրիդի «Աթլետիկոն» (360 րոպե):


Ընդհանուր առմամբ, Մեսսին Չեմպիոնների լիգայում խաղացել է 37 թիմերի դեմ: