Դե սուտ ա, ուրեմն մի շարունակի. Կարեն Կարապետյանը վեճի բռնվեց քաղաքացու հետ (տեսանյութ). armtimes.com

Դե սուտ ա, ուրեմն մի շարունակի. Կարեն Կարապետյանը վեճի բռնվեց քաղաքացու հետ (տեսանյութ). armtimes.com
Հոկտեմբեր 13 13:44 2017

Վարչապետ Կարեն Կարապետյանը գյուղատնտեսության նախարար Իգնատի Առաքելյանի հետ այսօր այցելեց գյուղատնտեսական էքսպո, որի ժամանակ մի տղամարդ մոտեցավ վարչապետին եւ իր խնդրով դիմեց: Վարչապետի եւ քաղաքացու հարցուպատասխանը ներկայացնում ենք ստորեւ, առանց խմբագրման:

Քաղաքացի- Սեփականաշնորհած բնակարանս խլել են: Էս 10 տարի ա փողոցներում եմ:

Վարչապետ- Նամակ ունե՞ք:

Քաղաքացի -15 տարի ա դիմում եմ գրում:

Վարչապետ -Նամակ ունե՞ք հիմա:

Քաղաքացի - Հիմա ձեռքում՝ ոչ:

Վարչապետ -Դե կապնվեք…

Քաղաքացի -Զրկված եմ բոլոր իրավունքներից: Կապնվել եմ, Ստեփանյան Վահեն (Կառավարության աշխատակազմի ղեկավար, խմբ. հեղ.) ոչ մի բան չի արել:

Վարչապետ -Դե, կարող ա չի հասնում անելը:

Քաղաքացի - Ոչ, ես ուզում եք փաստերը ներկայացնեմ, անհերքելի փաստերը: Էդ ձեւ հանձնարարելով՝ ոչ մի բան չի կատարվում, սաղ սուտ ա, միայն, եթե ընդունեք փաստերը, ես…

Վարչապետ -Դե, եթե սուտ ա, ուրեմն էդ դեպքում մի շարունակի: Լսի, յուրաքանչյուրին, որ ես ընդունեմ, օրս կհերիքի՞: Քեզ ասում եմ նամակդ տուր…

Քաղաքացի - Քաղաքապետ ժամանակ մոտեցել եմ, Վահեին հանձնարարեցիք, մինչեւ այսօր ոչինչ չի արվել:

Վարչապետ – Կարող ա պետք չի անել:

Քաղաքացի - Ո՞նց պետք չի:

Վարչապետ - Հենց տենց:

Քաղաքացի -Ինձ սեփականաշնորհել են կառավարությունից բնակարան, որ փողոցներո՞ւմ լինեմ, որ խլե՞ն ձեռքիցս:

Վարչապետ -Նամակդ ներկայացրու պարոն Մինասյանին, կարողա չեն խլել, դա քո պատկերն է:

Քաղաքացի - Ներկայացրել եմ, ոստիկանությունը հանցավոր գործունեությամբ ա զբաղված, խոշտանգումներ ա անում:

Այս երկխոսությունից հետո Կարեն Կարապետյանը շրջվեց եւ շարունակեց շրջայցը էքսպոյի բացօթյա ցուցադրության հատվածում:

Նյութի աղբյուրը` armtimes.com

Առավել մանրամասն՝ տեսանյութում: