Դեպրեսիա է և տրամադրության լիակատար անկո՞ւմ: Ներկայացվող եղանակները ձեզ կօգնեն:
Այն պահին, երբ շուրջբոլորը լարվածություն է, անհնար է մնալ առանց տրամադրության փոփոխության:
Առաջին հերթին եղեք ուշադիր և բարի ինքներդ ձեր նկատմամբ: Մասնագետները պնդում են, որ հենց ուշադրությունն է օգնում կենտրոնանալ, վերահսկել ձեր զգացմունքները և ձեզ դարձնում բարի ինքներդ ձեր նկատմամբ` օգնելով խուսափել դեպրեսիայից:
Ցանկանում եք ազատվել սթրեսից, սակայն ժամանակ չունե՞ք երկար խոսակցությունների ինքներդ ձեզ հետ: Այդ դեպքում ձեզ թույլտվեք դնել ականջակալներ ու մի փոքր ինքնաներշնչվել: Ձայնագրեք բնության ձայները, հանգստացնող երաժշտություն և վայելեք: Ապացուցված է` ձայները, որոնք դուր են գալիս, մեզ ավելի երջանիկ են դարձնում:
Ամբողջական աշխատանքային օրն անտանելի՞ է դառնում: Աշխատեք կարճ ընդմիջումներ անել: Այդ դեպքում հրաշալի օգնում են ֆիզիկական վարժությունները կամ զբոսանքը: Փորձեք ձգվել, ուղղել ուսերը և դուրս գալ մաքուր օդին քայլելու:
Կենտրոնացեք ձեր աշխատանքի վրա: Մի շեղվեք: Մենք բոլորս գիտենք, թե ինչ է տեղի ունենում, երբ փորձում ենք մի քանի գործ միանգամից կատարել:
Մի մոռացեք ճաշի մասին: Ամենից հաճախ, ծանրաբեռնված օրվա ընթավքում, մենք ամենաշատ լարվածությունն ունենում ենք հենց ճաշի ժամին: Աշխատեք գոնե մի փոքր բան ուտել: Եվ մի մոռացեք այն մասին, որ մտավոր աշխատանքի պարագայում մի կտոր շոկոլադը դեռ ոչ ոք չի արգելել: Կարևորը` չափն իմանալն է:
