Եկեք հանձնել կամ տալ բառը հանենք, ոչ մեկ չի հանձնում, մենք դեմարկացիա ենք անում։ Այդ մասին Հանրային Հ/Ը-ի «Հարցազրույցում» հայտնել է ԱԺ նախագահ Ալեն Սիմոնյանը՝ ըստ երևույթին մեկնաբանելով Տավուշի հարակից գյուղերի մասին հարցը․
«Մենք չենք պատրաստվում որևէ բան զիջել, որը մերն է։ Եթե ասեն` կա՛մ պետք է տաս այս բնակավարը ՀՀ տարածքից, կա՛մ պիտի պատերազմենք, մենք կպատերազմենք: Սահմանազատում անում ենք ոչ թե սպառնալիքի տակ, այլ որ մեզ դա պետք է։ Դելիմիտացիայից հետո Ադրբեջանը կճանաչի մեր սահմանը, բա ի՞նչ պիտի անի»,- ասել է Սիմոնյանը՝ նշելով, թե այդ սահմանը պետք է նաև Ադրբեջանին․
«Մենք ասել ենք՝ եկեք սահմանը ֆիքսենք, մերը՝ մերն է, ձերը՝ ձերը։ Սպասում ենք իրենց պատասխանին։ Այս ամենը միայն քարտեզի մասին չէ, սրա տակ պիտի լինի իրավական փաստաթուղթ` հայելային տրամաբանությամբ»,- նշում է ԱԺ նախագահը։
