Լողազգեստով և ծխախոտը ձեռքին. Օբամայի կրտսեր դուստրը հայտնվել է պապարացիների ուշադրության կենտրոնում (լուսանկարներ)

ԱՄՆ նախկին նախագահ Բարաք Օբամայի կրտսեր դուստրը՝ Սաշա Օբաման, հայտնվել է պապարացիների ֆոտոօբյեկտիվների թիրախում: 22-ամյա  աղջկան լուսանկարել են փողոցում՝ լողազգեստով և ծխախոտը ձեռքին:

Ինչպես նշում է Daily Mail-ը, Հարավային Կալիֆոռնիայի համալսարանի շրջանավարտը եղել է ընկերների հետ և մասնակցել է Լոս Անջելեսում Աշխատանքի օրվան նվիրված միջոցառմանը:

Պարբերականը նկատում է, որ սա, անշուշտ, առաջին անգամը չէ, որ պապարացիները Սաշային լուսանկարում են ծխելիս: Հավանաբար, նա վնասակար սովորությունը փոխառել է հորից, որը  նախկինում խոստովանել էր, որ դեռահասության ժամանակ սկսել է ծխել և օրական մինչև 10 գլանակ է օգտագործել: