Ա՛յ Նիկոլ, բա ինչու՞ էիր 2019 թ․ գեներալ Հակոբյանին հենց դու նշանակել ՊՆ ռազմական վերահսկողական ծառայության պետ, իսկ քրգործը եթե հետո է հարուցվել, ինչու՞ չազատեցիր գործից․ Գագիկ Համբարյան


Ա՛յ Նիկոլ, բա ինչու՞ էիր 2019 թ․ գեներալ Հակոբյանին հենց դու նշանակել ՊՆ ռազմական վերահսկողական ծառայության պետ, իսկ քրգործը եթե հետո է հարուցվել, ինչու՞ չազատեցիր գործից․ Գագիկ Համբարյան
Նոյեմբեր 28 10:02 2020

Ծիծաղելի է Նիկոլը, երբ հայտարարում է, որ գեներալ Հակոբյանի դեմ հարուցված է քերական գործ, բայց չի պարզաբանում, թե քրեական գործով անցնողին ինչու՞ է այդպիսի բարձր պաշտոն վստահել։ Այս մասին ֆեյսբուքյան իր էջում գրել է քաղաքագետ Գագիկ Համբարյանը։

 

«Հայաստանի վարչապետի աթոռին բազմածն իր վերջին հեռուստաուղերձում հայտարարեց, որ իրենք պատերազմի վերաբերյալ չեն խաբել հասարակությանը և տեղեկությունները տրամադրել են հատուկ մատուցման ձևով․․․

 

Ըստ ազգադավ Նիկոլի` ստացվում է՝ ո՛վ հասկացել էր իրենց մատուցված տեղեկատվության ձևը՝ լավ, ո՛վ չէր հասկացել՝ ավելի լավ...

 

Պատերազմի սկսվելուց ի վեր Հայաստանի և Արցախի ղեկավարներն ու երկու հանրապետությունների ՊՆ-ի ներկայացուցիչները լծված էին հասարակությանը խաբելու իրենց «սուրբ» գործին... 

 

Նիկոլը ինքն իրեն չի հարցնում՝ ինչո՞ւ հասարակության 99 տոկոսը ուղղակի շվարեց նոյեմբերի 9-ի իր ազգադավ կապիտուլյացիայից... Համոզված եմ, Նիկոլը շատ լավ գիտի այս հարցի պատասխանը, բայց նրան դա չի հետաքրքրում... 

 

Նիկոլը ստում և կեղծում է, երբ հայտարարում է, որ իրենք հասարակությանը տեղեկացրել են մարտական գործողությունների մասին... 

 

Ե՞րբ է այս իշխանությունը որևէ անգամ նշել, որ մենք կորցրել ենք Հադրութը, Ջաբրայիլը, Ֆիզուլին, Մատաղիսը և շատ այլ բնակավայրեր... Մեկ անգամ Արծրունը հայտարարեց, որ ազերիները գրավել են Կուբաթլին... Վե՛րջ... Մյուս տրամադրած տեղեկությունների 90 տոկոսը և ներկայացված քարտեզները կեղծ են եղել... 

 

Հասարակությանը ճիշտ տեղեկություն տրամադրելու մասին բարձրաձայնող Նիկոլը երևի մոռացել է, թե ինչպես էր առանց ամոթի նոյեմբերի 9-ի երեկոյան մարդկանց խաբում, որ «մարտերը Շուշիի համար շարունակվում են», այնինչ Արցախի նախագահի մամլո խոսնակը դրանից առաջ արդեն էր գրառում կատարել Շուշին ազերիների կողմից գրավելու մասին, իսկ լավատեղյակ աղբյուրները դեռ նոյեմբերի 7-ին էին գուժել Շուշին ազերիներին «նվիրելու» մասին սարսափելի լուրը...

 

Նիկոլն ու իր թիմակիցները հասարակությանն ուղղակի այն աստիճանի էին զոմբիացրել, որ երբ ազերիական ԶԼՄ-ները և թելեգրամ ալիքները տեսանյութեր և լուսանկարներ էին տեղադրում իրենց կողմից գրավված քաղաքներից և բնակավայրերից, մարդիկ հաստատ համոզված լինելով, որ դրանք կեղծ չեն, միևնույն է չէին ցանկանում հավատալ. հավատում էին Արծրունին, Շուշանին և Նիկոլի արցախյան էժանագին կլոն Արայիկին...

 

Ստախոս Նիկոլը երբևէ հասարակությանն ասե՞լ է, որ ԶՈՒ ԳՇ պետ գեներալ Օնիկ Գասպարյանը պատերազմի չորրորդ օրն իրեն տեղեկացրել է մեր ծանր վիճակի մասին, կամ որևէ մեկն իմացել է, որ սեպտեմբերի 29-ին և 30-ին ՌԴ նախագահ Պուտինը առաջարկել է զինադադար, որը մերժվել է իր՝ Նիկոլի կողմից... Ու այդպիսի զինադադարների առաջարկներն, ըստ ԶԼՄ-ների, որոնք մերժվել են Նիկոլի կողմից, մի քանիսն են եղել, որոնք անհամեմատ ավելի լավ պայմաններ են ունեցել մեզ համար, քան նոյեմբերի 9-ին իր կողմից ստորագրված ազգադավ կապիտուլյացիան... 

 

Համոզված եմ, եթե Նիկոլն անկեղծ լիներ հասարկության հետ և ճշգրիտ ներկայացներ մարդկանց իրավիճակը, ապա մենք այսքան սարսափելի ծանր կորուստներով ու նսեմացած վիճակում չէինք լինի հիմա... 

 

Զավեշտն այն է, որ հենց Նիկոլի պատճառով 44 օր տևած պատերազմի արդյունքում ունեցած կորուստների համար մենք նույնիսկ պետք է Նիկոլին շնորհակալություն հայտնենք, որ իբրև թե դադարեցրեց սպանդը, որը, ինչպես տեսնում ենք (ըստ ԶՈՒ ԳՇ պետ Գասպարյանի և ՌԴ նախագահ Պուտինի), նա կարող էր անել ավելի վաղ, բայց չի արել... 

 

Առանց ամոթի Արցախի իշխանությունները հերքում էին, որ Աննա Հակոբյանը եղել է ՊԲ հրամանատարական կետում... Ու հիմա, երբ այդ խայտառակ փաստը բացահայտվեց, Նիկոլին ոչինչ չէր մնում, քան ասել, որ Աննային ինքն է ուղարկել «բունկեր»՝ ՊԲ-ին բարոյական աջակցություն հայտնելու նպատակով... Մի կողմ ենք դնում այն հանգամանքը, որ իրեն հարգող ոչ մի տղամարդ իր կնոջը «խոպան» չի ուղարկում զինվորների մեջ... Խնդիրն այն է, որ մինչև գեներալ Հակոբյանն այդ մասին բարձրաձայնելը նիկոլենք դա կտրականապես հերքում էին...

 

Ծիծաղելի է Նիկոլը, երբ հայտարարում է, որ գեներալ Հակոբյանի դեմ հարուցված է քերական գործ, բայց չի պարզաբանում, թե քրեական գործով անցնողին ինչու՞ է այդպիսի բարձր պաշտոն վստահել...

 

Նիկո՛լ, ա´յ Նիկոլ, բա ինչու՞ էիր 2019 թ․ նոյեմբերի 19-ին գեներալ Հակոբյանին հենց դու նշանակել ՊՆ ռազմական վերահսկողական ծառայության պետ, իսկ քրեական գործը եթե հետո է հարուցվել, ապա ինչու՞ չազատեցիր գործից... Զավեշտ է, բայց փաստ... 

 

Պատերազմում տանուլ տալուց հետո Նիկոլի արցախյան կլոն Արայիկն իր ուղիղ եթերի ժամանակ պարզ ասեց, որ մենք պարտվել ենք, քանի որ զինվորների և կռվողների պակաս է եղել... Այնինչ, գեներալ Հակոբյանը բացահայտեց, որ պատերազմի երրորդ օրվանից Նիկոլի հրամանով դադարեցվել է բանակի համալրումը... Հարց է առաջանում՝ ինչու՞... Իսկ Նիկոլն էլ իր ուղիղ եթերների ժամանակ հայտարարում է, որ եթե նա կապիտուլյացիան չստորագրեր, ապա 15-35 հազար զինվորներ կհայտնվեին ազերիների շրջափակման մեջ... Այո՛, չզարմանաք. Նիկոլն իր ուղիղ եթերներով տարբեր թվեր է բարձրաձայնում՝ 15-ից 35 հազար զինվոր... Ու ամենակարևորը՝ Նիկոլն իր հրապարակած այս թվերով հերքում է Արցախի իր կլոնին, ըստ որի՝ Արցախում զինծառայողների պակաս է եղել...

 

Այսքանից հետո Նիկոլն իրեն թույլ է տալիս հայտարարելու, որ ինքն անկեղծ է հասարակության հետ...

 

Սուտը, կեղծիքը, ապատեղեկատվությունը, ուրիշներին մեղադրելը և չքմեղանալը՝ սրանք են Նիկոլի իշխանության հիմնական հենարաններն այս 2,5 տարվա մեջ»,-գրել է քաղաքագետը։



loading...