Դերասան Վարդան Պետրոսյանը մի քանի օր է՝ միացել է «Ողջ մնալու արվեստ»-ի թիմին: «ՈՄԱ»-ի էջում տեղադրված տեսանյութում նա խոսում է այն մասին, որ անհրաժեշտ է ռազմական կրթություն ստանալ:
Դերասանն ասում է, որ պատերազմի ժամանակ մարդկանց միավորում է թշնամու նկատմամբ ատելությունը, բայց հիմա իրենք միավորվել են նաև միմյանց հանդեպ սիրով:
Տեսանյութում Վարդան Պետրոսյանը նաև հայտնում է, որ որդին` Հայկ Պետրոսյանը, ջոկատի հետ մեկնել է առաջնագիծ:
«Երբ ինձ ասաց, որ գնալու է, արդեն կամավորագրվել էր, ինչ-որ խոսակցություն անգամ չեղավ մեր միջև: Միայն ասում էր, որ ես թիկունքում եմ պետք, պետք է թիկունքն ամուր պահեմ»,- ասում է դերասանը: