Լևոն Արոնյանը ՖԻԴԵ-ի դասակարգման աղյուսակում առաջադիմել է և այժմ զբաղեցնում է 6-րդ հորիզոնականը:
Շախմատի միջազգային ֆեդերացիայի հրապարակած վարկանիշային աղյուսակում Արոնյանը նախորդ ամսվա համեմատ առաջադիմել է 3 հորիզոնականով: Հոկտեմբերին նա 9-րդն էր: Դասակարգման աղյուսակի առաջատարը աշխարհի չեմպիոն Մագնուս Կառլսենն է:
Հայաստանը ներկայացնող շախմատիստներից եվս երեքը տեղ են զբաղեցնում վարկանիշային աղյուսակի առաջին հարյուրյակում: Գաբրիել Սարգսյանը 54-րդն է, Հրանտ Մելքումյանը` 79-րդը, Կարեն Գրիգորյանը` 84-րդը:
