Մակրոնը հայտարարել է, որ զինված հարձակումներից հետո Ֆրանսիայում մոբիլիզացնում են լրացուցիչ թվով զինվորականներ


Մակրոնը հայտարարել է, որ զինված հարձակումներից հետո Ֆրանսիայում մոբիլիզացնում են լրացուցիչ թվով զինվորականներ
Հոկտեմբեր 29 19:55 2020

Ֆրանսիայի նախագահ Էմանուել Մակրոնը երկրում զինված հարձակումներից հետո հանդես է եկել հայտարարությամբ, գրում է ria.ru-ն։

Ֆրանսիայի նախագահը հայտարարել է, որ երկիրը հերթական անգամ ենթարկվել է «իսլամիստական ահաբեկչական հարձակման»:

«Այսօր առավոտյան Նիցցա քաղաքի Նոտր Դամ եկեղեցում զոհվել են մեր երեք քաղաքացիները»,- ասել է Ֆրանսիայի նախագահը:

Մակրոնը Նիցցա է ժամանել քաղաքում հարձակումից մի քանի ժամ անց։ Մակրոնին ուղեկցել են ՆԳ նախարար Ժերալդ Դարմանենը և արդարադատության նախարար Էրիկ Դյուպոն Մորետին: Նախագահը հայտարարել է երկրում անվտանգության միջոցառումների ուժեղացման մասին։

«Մենք կպաշտպանենք պաշտամունքի բոլոր վայրերը, մասնավորապես՝ եկեղեցիները։ Մենք կպաշտպանենք նաև մեր դպրոցները»,- ասել է նա։

Բացի այդ, պետության ղեկավարի խոսքով, Ֆրանսիայում մոբիլիզացնում են լրացուցիչ թվով զինվորականներ:

Հիշեցնենք, որ ավելի վաղ Ֆրանսիայի Նիցցա քաղաքում անհայտ անձը դանակով հարձակվել էր Նոտր Դամ եկեղեցու մոտ գտնվող մարդկանց վրա։

Միջադեպը տեղի էր ունեցել առավոտյան ժամը 9:00-ին: Տաս րոպե անց հանցագործին հաջողվել էր բռնել: Հարձակման հետևանքով զոհվել է երեք մարդ։

Ավելի ուշ Ֆրանսիայի հարավային Ավինյոն շրջանում տղամարդը փորձել էր հարձակվել է ոստիկանության աշխատակիցների վրա և դանակահարել նրանց։



loading...