«Սա այլևս պատերազմ չէ տարածքների համար, այլ հայ ժողովրդի պայքարն է հանուն գոյատևման». Մելքումյանի ելույթը՝ Ֆրանկոֆոնիայի ԽՎ-ում


«Սա այլևս պատերազմ չէ տարածքների համար, այլ հայ ժողովրդի պայքարն է հանուն գոյատևման». Մելքումյանի ելույթը՝ Ֆրանկոֆոնիայի ԽՎ-ում
Հոկտեմբեր 21 18:00 2020

ԱԺ ԲՀԿ խմբակցության պատգամավոր Միքայել Մելքումյանը ֆեյսբուքյան իր էջում գրել է. «Իմ ելույթն այսօր Ֆրանկոֆոնիայի խորհրդարանական վեհաժողովի գլխավոր քարտուղար Ժակ Կրաբալի և Ֆրանկոֆոնիայի խորհրդարանական վեհաժողովի Եվրոպայի տարածաշրջանի ղեկավար Ժան-Շառլ Լուպերտոյի նախաձեռնությամբ Ֆրանկոֆոնիայի խորհրդարանական վեհաժողովում Հայաստանի Հանրապետության Ազգային ժողովի պատվիրակության անդամների հետ տեսակոնֆերանսի ժամանակ.
     «Արցախի Հանրապետության հետ շփման գծի ողջ երկայնքով Ադրբեջանը Թուրքիայի անմիջական աջակցությամբ և մասնակցությամբ սանձազերծել է ռազմական ագրեսիա:
     Հակամարտության գոտում ագրեսորները ոտնահարում են մարդու հիմնարար իրավունքները: Կան բազում զոհեր և վիրավորներ խաղաղ բնակչության շրջանում, օգտագործվում են միջազգային կոնվենցիաներով արգելված կասետային ռումբեր, բազմաթիվ փաստեր ապացուցում են, որ Թուրքիան իսլամիստ ահաբեկիչներ է ներգրավել համակամարտության մեջ:
     Ավերվում են նաև պատմամշակութային հուշարձաններ. ռմբակոծվել է Շուշիի սուրբ Ամենափրկիչ Ղազանչեցոց եկեղեցին:
     Սա այլևս պատերազմ չէ տարածքների համար, այլ հայ ժողովրդի պայքարն է հանուն գոյատևման:
     Սա նաև հակաահաբեկչական պատերազմ է:
     Մենք բոլորս դեմ ենք ահաբեկչությանը:
     Մենք բոլորս պայքարում ենք հանուն խաղաղության, հանուն կայունության ոչ միայն տարածաշրջանում, այլև՝ ամբողջ աշխարհում:
     Ուստի միջազգային հանրությունը պետք է անի հնարավոր ամեն բան՝ կանգնեցնելու համար այս բարբարոսական ագրեսիան, հստակ գնահատական տա այն ամենին, ինչ տեղի է ունենում Արցախում»:



loading...