Ադրբեջանցի հաքերները «WhatsApp» և «Viber» հավելվածների միջոցով Հայաստանում և Արցախում բնակվող օգտատերերին են ուղարկում խուճապ առաջացնող ձայնային հաղորդագրություններ, որոնցում մեջբերում են, իբր, փոխգնդապետ Զարզանդի խոսքերը, այս մասին ֆեյսբուքյան իր էջում գրել է «Կառավարության տեղեկատվական-վերլուծական կենտրոն» ՊՈԱԿ-ի տնօրեն Հովհաննես Մովսիսյանը։
«Հաղորդագրության մեջ նշվում է, թե հակառակորդի գրոհի հետևանքով հայկական զորքերը ետ են նահանջում, և շուտով փակվելու է դեպի Հայաստան տանող ճանապարհը», - գրել է Մովսիսյանն՝ ընդգծելով, որ այդ հաղորդագրությունները կեղծ են։
