Վարչապետի բարի ցանկությունները բավական դրական լիցքեր են հաղորդում, սակայն ես վաղուց դադարել եմ հավատալ բաժակաճառերի մակարդակով արվող մեկնաբանություններին և ենթադրություններին, խորհրդարանական ճեպազրույցների ընթացքում հայտարարեց «Բարգավաճ Հայաստան» խմբակցության անդամ Իտեվա Տոնոյանն՝ անդրադառնալով վարչապետի ներկայացրած Հայաստանի՝ մինչև 2050 թ. վերափոխման ռազմավարությանը։
«Իշխանություններին խորհուրդ կտայի, որ շուրջ 5 տասնամյակ ընդգրկող պլաններ ներկայացնելուց առաջ ընդամենը ոչ վաղ անցյալի՝ հեղափոխության ժամանակահատվածում տրված խոստումները կյանքի կոչեին, դրանք իրականություն դարձնեին, հետո միայն 50 տարվա կտրվածքով ծրագրեր և պլաններ ներկայացնեին», - ասաց Իվետա Տոնոյանը։
Նա հիշեցրեց գեբելսյան հայտնի սկզբունքը՝ որքան մեծ է սուտը, այնքան հեշտ է նրան հավատալ.
«Բոլորն էլ հիշում են հեղափոխության չիրականացված խոստումները։ Լավ կլինի, որ իշխանությունները տրված ժամանակահատվածն օգտագործեն կյանքի չկոչված խոստումներն իրականացնելու համար»։
