Օգոստոսի 4-ին Բեյրութի նավահանգստում որոտացած պայթյունի հետևանքով մահացածների թիվը հասել է 158-ի: Այս մասին հայտնում է «Ալ-Ջազիրա» հեռուստաալիքը՝ մեջբերելով երկրի առողջապահության նախարարության տվյալները:
Հաղորդվում է նաև, որ վիրավորների թիվը գերազանցել է 6000 հազարը: 60 մարդ դեռևս անհետ կորած է համարվում աղետալի պայթյունից 8 օր անց:
Լիբանանյան «Ալ-Մայադին» հեռուստաալիքի տվյալներով՝ ողբերգության հետևանքով զոհվածների թվում 43 սիրիացի կա:
Հիշեցնենք, որ զոհերի թվում վերջին տվյալների համաձայն կա 13 հայ, իսկ վիրավորների թվում՝ շուրջ 300: Նավահանգստին մոտ բնակվող բազմաթիվ հա բնակիչների տներ ավերվել են:
Երկրի ՆԳՆ տվյալներով՝ պայթյունի պատճառ դարձած ահռելի քանակությամբ (2750 տոննա) ամոնիումի նիտրատը, որը նկարագրվում էր որպես «լողացող ռումբ», Բեյրութի նավահանգստում էր պահվում արդեն վեց տարի:
