Տարածաշրջանում Թուրքիայի մոտեցումները սպառնալիք են Հայաստանի և Արցախի համար. Տիգրան Աբրահամյան


Տարածաշրջանում Թուրքիայի մոտեցումները սպառնալիք են Հայաստանի և Արցախի համար. Տիգրան Աբրահամյան
Հուլիս 14 11:55 2020

Արցախի նախկին նախագահի խորհրդական Տիգրան Աբրահամյանը իր ֆեյսբուքյան էջում գրել է.

«Ինչպես և սպասելի էր Տավուշում ստեղծված իրավիճակի ամենակոշտ, միակողմանի արձագանքները Թուրքիայից էր: Սակայն Թուրքիայի արձագանքը չպետք է դիտել զուտ աջակցություն Ադրբեջանին:

Թուրքիան իր վաղուց ձևակերպված մոտեցումներն ունի մեր տարածաշրջանում ու դրանք Հայաստանին և Արցախին ուղղված սպառնալիք են:

Թուրքիայի հետ ուղղակի կամ անուղղակի առնչվող բոլոր գործընթացներում այս պարզ ճշմարտությունը պետք է գիտակցել և միշտ հիշել, որ պաշտոնական Անկարայի նպատակը ռեգիոնալ պրոցեսներում զուտ դիտորդի կարգավիճակով իր ներկայությունն ապահովելը չէ, իսկ հնչող կոշտ հայտարարություններն այն նվազագույնն են, որոնցով Թուրքիան ներկայացնում է իր վերաբերմունքը Հայաստանի նկատմամբ»:



loading...