Հայաստանի ծերանոցներին բարձր արդյունավետության ախտահանիչ սարքավորումներ են տրամադրվել (լուսանկարներ)


Հայաստանի ծերանոցներին բարձր արդյունավետության ախտահանիչ սարքավորումներ են տրամադրվել (լուսանկարներ)
Հուլիս 13 12:00 2020

Կորոնավիրուսի տարածման դեմ պայքարի շրջանակում Հայաստանում ութ ծերանոց բարձր արդյունավետության ախտահանիչ սարքավորումներ են ստացել։

Kärcher ընկերության հայաստանյան պաշտոնական ներկայացուցչությունից հայտնում են, որ C-Quadrat Ampega Armenia բարեգործական կազմակերպության նախաձեռնությամբ եւ «Կարիտաս-Հայաստան» կազմակերպության տեխնիկական աջակցությամբ՝ Kärcher ընկերությունն ախտահանման սարքավորումներ են տրամադրվել Երեւանի, Աբովյանի, Վանաձորի, Գյումրիի, Ախուրյանի եւ Տաշիրի ծերանոցներին: Ակցիայի նպատակը ռիսկային խմբին գտնվող ավագ սերնդի ներկայացուցիչներին պաշտպանելն է: Միջոցառմանը մասնակցել է Noah գերմանական բարեգործական կազմակերպությունը՝ ի դեմս գործադիր խորհրդի անդամներ Յոհաննես Կերխերի, Գեւորգ Հայրապետյանի եւ գանձապետ Էռնսթ-Լյուդվիգ Դրայսի։

Ծերանոցներին գոլորշագեներատորներ են տրամադրվել, որոնք թույլ են տալիս ոչ միայն արդյունավետորեն մաքրել մակերեսները տարբեր տեսակի աղտոտումներից, այլեւ մակերեսների ախտահանում իրականացնել: Կարեւոր է այն, որ գոլորշիով ախտահանող սարքը հատուկ լվացող ու ախտահանող նյութեր չի պահանջում, որոնք շատ հաճախ ալերգիկ ռեակցիաներ են առաջացնում։ Հիմնական զենքը բարձր ճնշման տակ տրվող գոլորշին է, որը ոչնչացնում է բակտերիաների եւ վիրուսների մինչեւ 99 տոկոսը։

Վերոնշյալ ակցիան Kärcher-ի միակ նախաձեռնությունը չէ: Ընկերությունն սկսել է աջակցություն տրամադրել Հայաստանում կորոնավիրուսի տարածման առաջին փուլից: Այսպես, համապատասխան ախտահանող սարքավորում տրամադրվել է նաեւ Նորքի ինֆեկցիոն հիվանդանոցին:

Kärcher-ի սոցիալական աջակցության ծրագրերը հատկապես այս բարդ շրջանում շարունակական կլինեն: Հաջորդ ծրագրերից մեկը կարող է լինել մայրաքաղաքում հուշարձանների մաքրման ծրագիրը: Ծրագիրը կիրականացվի ընկերության սարքավորումների եւ ռեսուրսների կիրառմամբ:

Բարեգործ Յոհաննես Կերհերը հայ ժողովրդի վաղեմի բարեկամն է, նման բարեգործական ակցիաներ են անցկացվում ոչ միայն Հայաստանում, այլ նաեւ աշխարհի շատ այլ երկրներում:

Մարդկային ջանքերի եւ ժամանակակից տեխնոլոգիաների միավորումը պանդեմիան հաջողությամբ հաղթահարելու գլխավոր բանալին է՝ վստահ են Kärcher Armenia ընկերությունում:

 



loading...