Հայկական Կարմիր խաչի Գյումրու շուրջօրյա խնամքի կենտրոնում (Գյումրու նախկին տուն-ինտերնատ) 151 խնամվող շահառուից 55-ի մոտ կորոնավիրուս է հաստատվել, թեստը դրական է եղել նաև 12 աշխատակցի մոտ, խնամվող շահառուներից մեկը մահացել է: Այս մասին Tert.am-ի հետ զրույցում ասաց Կարմիր խաչի հասարակայնության հետ կապերի բաժնի պետ Նունե Գրիգորյանը:
Tert.am-ի հետ զրույցում Գյումրու շուրջօրյա խնամքի կենտրոնի համակարգող Արտեմ Պետրոսյանը նշեց, որ հուլիսի 2-ից թեստավորումները սկսել, բայց կենտրոնում առաջին աշխատակիցը վարակվել էր դեռևս հունիսի սկզբին: Նրա խոսքով՝ այդ աշխատակիցն աշխատանքի վայրում չէր վարակվել: «Մենք թեստավորում և նոր էինք թույլ տալիս մտնել աշխատավայր, այդ ժամանակ վարակավծներին հայտնաբերում էինք ու աշխատանքի չէինք թողնում, փակ ռեժիմով աշխատում էինք, դրա համար մեզ հաջողվեց այսքան դիմանալ»,- ասաց կենտրոնի համակարգողը:
Հարցին՝ այդ դեպքում ինչպես վարակը ներթափանցեց ու տարեցները սկսեցին վարակվել, նա պատասխանեց. «Մենք աշխատում էինք փակ ռեժիմով, սակայն բռնկումը վերջիվերջո տեղի ունեցավ: Ինչքան էլ փակ ռեժիմով աշխատենք, կապեր լինում էր, մատակարարներ էին գալիս, շտապօգնության, ոստիկանության կանչեր էին լինում. որևէ միջոցով ներթափանցել է»,- ասաց նա:
Նյութն ամբողջությամբ՝ սկզբնաղբյուր կայքում։