Առողջապահության համաշխարհային կազմակերպության գլխավոր գիտնական Սումյա Սվամինաթան նշել է, թե որ ընկերություններն են առաջատարը «Քովիդ-19»-ի դեմ պատվաստանյութի ստեղծման պայքարում:
Ինչպես փոխանցում է Reuters գործակալությունը, առաջատարներ են բրիտանական AstraZeneca դեղագործական ընկերությունն ու Քեմբրիջում գործող Moderna ընկերությունը, որի հիմնադիրն է ամերիկահայ գործարար Նուբար Աֆեյանը:
Բրիտանական ընկերության մշակած պատվաստանյութը, որը ստեղծվել է Օքսֆորդի համալսարանի մասնագետների հետ համատեղ, ներկա պահին կլինիկական լայնամասշտաբ փորձարկումներ է անցնում:
Անցյալ շաբաթ AstraZeneca-ն իր տասերորդ պայամանագիրն է կնքել պատվաստանյութի մատակարարման վերաբերյալ:
Սվամինաթան նշել է, որ Moderna-ի ստեղծած պատվաստանյութը «շատ չի հետ մնում» և ընտրվել է 200 թեկնածուների շարքից և մեկն է 15 պատվաստանյութերից, որոնք գտնվում են կլինիկական փորձարկումների փուլում:
«Մենք գիտենք, որ Moderna-ի պատվաստանյութը պատրաստվում է հուլիսի կեսերից կլինիկական փորձարկումների երրորդ փուլն անցնել»,- շեշտել է ԱՀԿ-ի մասնագետը:
Վերջինս նշել է, որ ԱՀԿ-ն բանակցությունների մեջ է մի շարք չինական արտադրողների հետ, այդ թվում և Sinovac ընկերության, ինչպես նաև հնդիկ հետազոտողների:
