Վարչապետ Նիկոլ Փաշինյանը շնորհավորական ուղերձ է հղել Շվեդիայի Թագավորության վարչապետ Ստեֆան Լյովենին՝ Ազգային տոնի առթիվ։ Ուղերձում նշված է.
«Ջերմորեն շնորհավորում եմ Ձեզ եւ Շվեդիայի բարեկամ ժողովրդին՝ Շվեդիայի Թագավորության Ազգային տոնի առթիվ։
Հայաստանը մեծապես արժեւորում է Շվեդիայի հետ հաստատված բարեկամական կապերը եւ շահագրգիռ է ընդլայնելու երկկողմ ու բազմակողմ համագործակցությունը։
Շնորհակալ ենք Հայաստանում ընթացող ժողովրդավարական գործընթացներին Շվեդիայի շարունակական աջակցության, ինչպես նաեւ Հայաստան-ԵՄ փոխգործակցությանը սատարելու համար։
Լիահույս ենք, որ մարդու իրավունքների եւ օրենքի գերակայության վրա հիմնված արժեհամակարգը եւ փոխադարձ վստահությունը հիմք կծառայեն առավել ակտիվ ու հագեցած երկկողմ օրակարգ ձեւավորելու համար»։