Արմավիրի մարզում կորոնավիրուսից մահվան դեպքերի թիվը հասնում է 12-ի


Արմավիրի մարզում կորոնավիրուսից մահվան դեպքերի թիվը հասնում է 12-ի
Հունիս 4 14:00 2020

Արմավիրի մարզպետ Համբարձում Մաթևոսյանը ներկայացրել է մարզում կորոնավիրուսային հիվանդության դեպքերի վիճակագրությունը. «Հունիսի 4-ի դրությամբ մարզում հաստատվել է կորոնավիրուսային հիվանդության 717 դեպք: Ունենք 287 առողջացած և 835 ինքնամեկուսացած:

Մեծ ցավով տեղեկացնեմ նաև, որ կորոնավիրուսի համավարակի տարածման այս ողջ ժամանակահատվածում մարզում ունեցել ենք մահվան 12 դեպք:

Հարգելիներս, անկախ այն հանգամանքից, որ ՀՀ կառավարությունը որոշ ոլորտներում ամբողջությամբ թույլատրել է գործունեություն ծավալել, դարձյալ կոչ եմ անում և խնդրում բոլորիդ՝ հաշվի առնել պահի լրջությունը և շարունակել հետևել անձնական հիգիենայի սահմանված կանոններին ու կանխարգելիչ միջոցառումներին՝ դրսևորելով սոցիալական բարձր պատասխանատվություն»:



loading...