Մենք արձանագրային կետեր ենք դրել եւ ստուգում ենք դիմակի կրումը. Մենք բազմաթիվ դեպքեր ենք արձանագրել, երբ անցագրային կետին մոտենալիս դիմակը դնում են, հետո հանում: Այս մասին, այսօր՝ հունիսի 3-ին, պարետատան նիստից հետո ճեպազրույցի ժամանակ նշեց ՀՀ վարչապետ Նիկոլ Փաշինյանը:
«Ես երեկ ավելի քննադատաբար էի վերաբերվում ոստիկանության աշխատանքին, քան այսօր, որովհետեւ երբ ես երեկ տեսա հակահամաճարակային կանոնները չպահպանելու մասշտաբը, ես սարսափեցի այդ մասշտաբից:
Ոստիկանությունում էլ այդ վարքագծի կանոնները պահպանելու խնդիր կա: Մ«ենք դեպքեր ենք տեսնում, որ ոստիկանության աշխատողներն էլ չեն պահպանում այդ կանոնները: Եթե ես վարակվել եմ, ես էլ չեմ պահպանել: Եկեք ընդունենք, որ բոլորս էլ սխալվել ենք ու միասին իրավիճակը վերցնենք մեր հսկողության տակ»,-ասաց նա:
Նմա ընդգծեց, որ երեկ եւ այսօր հանրային վերահսկողության կոմունիկացիայով առաջիկա շաբաթ-կիրակի օրերին պլանավորված տասնյակ հարսանիքներ են բացահայտել, որտեղ պետք է հրավիրված լինեին հարյուրավոր հյուրեր. «Մենք դա կասեցրել ենք»:
