«Երեկ հնարավորություն չունեցա արձագանքելու իմ հասցեին հնչած բառակապակցություններին։ Ուզում եմ ուղիղ պատասխանել պարոն Դանիելյանին, որ ասել էր՝ իբրև թե ես ադրենալինի կարիք եմ զգում։ Բացատրեմ, որ նման բան չկա, ես ադրենալինի կարիք զգում եմ հակառակ սեռի ներկայացուցչի նկատմամբ, ո՛չ երբեք իր նկատմամբ, չգիտեմ՝ ինքն ո՞ւմ նկատմամբ է զգում, ի՞նչ կողմնորոշում ունի․․․ Եկե՛ք կոռեկտ արտահայտվենք»,- խոսքն ուղղելով իմքայլական Համազասպ Դանիելյանին՝ ասաց ԲՀԿ-ական Սերգեյ Բագրատյանը։
Բագրատյանի ելույթին հաջորդեց «Իմ քայլից» Սուրեն Գրիգորյանի հայտարարությունը․ «Պարո՛ն Բագրատյան ջան, ինչքանով գիտեմ՝ ադրենալինը սեռերի հետ կապված չէ, ու արտահայտությունները կոռեկտ չեն»։
Հիշեցնենք՝ երեկ «Քաղաքացիական օրենսգրքում փոփոխություններ և լրացումներ» կատարելու մասին հարցի քննարկման ժամանակ «Իմ քայլը» խմբակցության պատգամավոր Համազասպ Դանիելյանը, անդրադառնալով «Բարգավաճ Հայաստան» խմբակցության պատգամավոր Սերգեյ Բագրատյանի ելույթին, ասել էր․ «Ձեզ մոտ ադրենալինի պակա՞ս է։ Նորմալ քննարկում է գնում, մարդիկ իրենց տեսակետներն են հայտնում, եկաք, էստեղ կանգնեցիք, խոսեցիք մի բանի մասին, որին մասամբ եք ծանոթացել․․․»։
