Հայտնի մարդիկ, որոնք մոլի ալկոհոլամոլներ են եղել, սակայն մեծ հաջողությունների են հասել


Հայտնի մարդիկ, որոնք մոլի ալկոհոլամոլներ են եղել, սակայն մեծ հաջողությունների են հասել
Հունիս 2 22:04 2020

Այսօր հայտնի մարդկանց շրջանում այնքան էլ վայել չէ ալկոհոլամոլ և խմիչքի սիրահար լինելը, քանի որ նման տղամարդկանց վրա ուշադրություն այլևս չեն դարձնում կանայք, իսկ թուլությունը դադարել է «նորաձև» լինելուց։ Ձեզ ենք ներկայացնում պատմության ամենախոշոր կերպարներին, որոնք, չնայած իրենց ունեցած մեծ հաջողություններին, ալկոհոլամոլներ են եղել։

 

 

Բենջամին Ֆրանկլին

Բենջամին Ֆրանկլինը պատմության մեջ մնացել է ոչ միայն շնորհիվ այն բանի, որ նրա դիմանկարը մարդկանց ամենասիրելի «թղթի» վրա է տպված, այլև այն բանի, որ հիմնել է ամերիկյան ժողովրդավարությունը և հայտնագործել է ճոճվող աթոռը։

ԱՄՆ-ի բազմաթիվ քաղաքացիների համար պարոն Ֆրանկլինը պատմության ամենահայտնի ալկոհոլամոլներից մեկն էր։ Եթե նա չէր քնում կամ իրեն ամբողջապես չէր նվիրում աշխատանքին, ապա թունդ գինի էր խմում։

Այս գինու սիրահարներ էին նաև Ամերիկայի ազատության համար պայքարող այլ անձինք՝ Թոմաս Ջեֆերսոնը, Ջորջ Վաշինգտոնը, Ջոնս Ադամսը։ Հենց այս գինով են նշել 1776 թ. «ԱՄՆ անկախության մասին դեկլարացիայի» ընդունումը։

 

Էռնեստ Հեմինգուեյ

Այս գեղեցիկ տղամարդը, որն իր ողջ կյանքը նվիրել էր գրականությանը, ենթադրվում է, որ նախընտրում էր վիսկի խմել։ Սակայն դա այդպես չէ։ Պարոն Հեմինգուեյը շատ էր սիրում թունդ ռոմի և թարմեցնող անանուխի համադրությունը, հետևաբար նրա սիրելի կոկտեյլը «Մոհիտոն» էր, որը գրողը պատրաստում էր հետևյալ բաղադրատոմսով. անանուխի 6 թարմ տերևներ, մեկ լայմի հյութ, 2 թեյի գդալ շագանակագույն շաքարավազ, սպիտակ ռոմ և շամպայն։

 

Ջեյմս Բոնդ

Մարտինի նախընտրում էին բազմաթիվ հայտնիներ, այդ թվում՝ Բոնդը, Ջեյմս Բոնդը։ Միայն «Սքայֆոլ» ֆիլմում է, որ հայտնի կերպարը մեծ ախորժակով հոլանդական գարեջուր է ըմպում։ Նախորդ դարում ապրած մարդիկ հիշում են, որ Բոնդը բարերում նախընտրում էր «Մարտինի՝ թափահարած»։ Նրա բոլոր երկրպագուները բարերում նույն խմիչքն էին պատվիրում, որից էլ ակնհայտ էր դառնում, որ նրանք Բոնդի երկրպագուներ են։

 

Ուինսթոն Չերչիլ

Ցածրահասակ գիրուկը, ում ձեռքին միշտ սիգար կար և առանց ում XX դարը պատկերացնելն անհնար է, ամենայն հավանականությամբ, քաջ առողջություն ուներ, ինչը թույլ էր տալիս նրան ամեն օր ծխել և մեծ քանակությամբ ալկոհոլ օգտագործել՝ միևնույն ժամանակ մնալով դարի ամենաառողջ մարդկանցից մեկը։

Չվախենալով և չամաչելով ոչ ոքից՝ «պատմության մեծագույն բրիտանացին» ամեն օր նախաճաշին վիսկի էր խմում։ Հետաքրքիր տեղեկություն է պահպանվել այն մասին, թե 1954 թ. 80-ամյա Չերչիլն իր ինքնաթիռով պաշտոնական թռիչք կատարելիս ինչ է պատվիրել. այսպես՝ սկզբում՝ ձվածեղ, ջեմ, կարագ, կաթով սուրճ, մեկ բաժակ սառը կաթ, սառը ճուտ, ապա՝ գրեյպֆրուտ, շաքար, նարնջի ֆրեշ, սոդայով վիսկի, և ամենավերջում, իհարկե, սիգար։

 

Պաբլո Պիկասո

«Աբսենտի սիրահարը» կտավը Պիկասոն արել է 1901 թ.՝ 20 տարեկան հասակում, երբ արդեն լավ ծանոթ էր «կախարդական ըմպելիքին»։ 15 տարի անց աբսենտն արգելեցին։ Ոմանք կարծում են, որ հենց այս խմիչքն է իր յուրահատուկ ազդեցությունն ունեցել նկարչի աշխատանքիների վրա։ 2010-ին «Աբսենտի սիրահարը» կտավը վաճառվեց 51,2 միլիոն դոլարով։

 
 


loading...