1955 թվականի փետրվարի 14-ին լույս աշխարհ է եկել Սթիվ Ջոբսը, մարդ, ում անունը գիտի յուրաքանչյուր ոք: Նա հայտնի է ոչ միայն իր ՏՏ ոլորտում ունեցած ձեռքբերումներով և Apple-ով, այլ նաև մի շարք հետաքրքիր արկածներով: Նրա մասին խոսելիս կարծես հանճարի մասին խոսեն:
Առանց համարանիշների մեքենա
Իր արծաթե Mercedes-Benz SL55 AMG-ին Ջոբսը երբեք համարանիշներ չի ամրացրել: Ինչպե՞ս: Նա շատ մանրամասն ուսումնասիրել է ճանապարհային երթևեկության կանոնները, որոնք գործում էին Կալիֆոռնիայում, և բացահայտել, որ մեքենան համարանիշեր պետք է ունենա գնելուց առնվազն 6 ամսվա ընթացքում: Ջոբսը լիզինգային ընկերության հետ պայմանավորվել էր և 6 ամիսը մեկ նույն մակնիշի նոր մեքենա էր գնում:
Իսկ դրա պատճառն այն էր, որ Ջոբսի համար համարանիշները տգեղ էին: Ջոբսը նաև հեշտությամբ կայանում էր հաշմանդամների համար նախատեսված տեղում:
Հագուստը՝ որպես համազգեստ
Աշխարհի ամենահարուստ ու խելացի մարդն ամեն օր նույն հագուստն էր կրում՝ սև Levi’s ջինս, New Balance սպորտային կոշիկներ և սև սովորական բլուզ: Սա միտումնավոր էր արվում, որպեսզի հագուստի ընտրության համար ժամանակ չվատնվի:
Սակայն նրա պահարանում սպիտակ հագուստ էլ կար: 2001 թվականին Տոկիոյում տեղի ունեցած MacWorld Expօ-ին Ջոբսին նկատել էին սև սմոքինգով:
Դետալների սատանա
Ջոբսը պերֆեկցիոնիստ էր: Եթե ինչ-որ բան տեղի էր ունենում առանց նրա համաձայնության, նա անխիղճ էր դառնում. կարող էր նույնիսկ դադարեցնել աշխատանքը:
8 տարի կահույք ընտրելու համար
Սեփական տուն կառուցելը Ջոբսի համար միշտ դժվար է եղել: Երբ դեռ ամուսնացած չէր, ուներ մի սեղան, մի քանի աթոռ և մեկ ներքնակ, սակայն ընտանիք ունենալուց հետո էլ ոչինչ չփոխվեց: Նրա կինը հարցազրույցներից մեկում նշել է, որ Ջոբսից 8 տարի է պահանջվել, մինչև նա որոշել է բազմոց գնել:
Մարդիկ՝ ոչնչացման պատճառ
Նա պահանջել է, որ Apple-ի գործարանում պատուհանները փակ լինեն: Ջոբսը վստահ էր, որ հասարակ մարդկանց չպետք է թույլատրել ինչ-որ բան բացել, թե չէ նրանք կարող էին ջարդել այն: Apple-ի ծրագրային ապահովման հիմքում ևս այս սկզբունքն է:
Բուժքույրերի քասթինգ
Նույնիսկ կյանքի վերջին շրջանում, գտնվելով հիվանդանոցում, նա 67 բուժքրոջ է զննել, մինչ ընտրել է 3-ին, որոնց թույլ է տվել խնամել իրեն:
Երբ թոքաբանը փորձում էր Ջոբսին հագցնել թթվածնային դիմակը (նա այդ ժամանակ գտնվում էր բարձր դոզայով քնաբերի ազդեցության տակ), նա ասաց, որ իրեն դուր չի գալիս դրա դիզայնը, և որ այլ բան բերեն: