ԱՄՆ-ն դադարեցնում է ԱՀԿ-ի հետ իր բոլոր հարաբերությունները․ Թրամփ


ԱՄՆ-ն դադարեցնում է ԱՀԿ-ի հետ իր բոլոր հարաբերությունները․ Թրամփ
Մայիս 30 00:54 2020

ԱՄՆ նախագահը հայտարարել է, որ Վաշինգտոնը իր միջոցները փոխանցելու է առողջապահական խնդիրներով զբաղվող այլ կազմակերպությունների։ Այս մասին հայտնում է «ՏԱՍՍ»-ը։

«ԱՄՆ-ն դադարեցնում է Առողջապահության համաշխարհային կազմակերպության հետ բոլոր հարաբերությունները և իր միջոցները փոխանցում առողջապահական այլ կազմակերպություններին»,-նշել է Թրամփը:

Ինչպես հայտարարել է ԱՄՆ առաջնորդը, Վաշինգտոնը նախկինում «հայտարարել էր, թե ինչ բարեփոխումներ պետք է իրականացվեն ԱՀԿ-ում․ «Բայց նրանք հրաժարվեցին դա անել», – ավելացրել է Թրամփը:

Ըստ նրա, Միացյալ Նահանգները «այսօր խզում է բոլոր կապերը ԱՀԿ-ի հետ»: Վաշինգտոնը մտադիր է տարեկան մոտավորապես 450 միլիոն ԱՄՆ դոլար այլևս չհատկացնել կազմակերպությանը։

 

Այնուհետև նա ԱՄՆ վարչակազմին հանձնարարել է սկսել վերանայել այն բոլոր արտոնությունները, որոնք կային Հոնկոնգի հետ հարաբերություններում:

 

«Չինաստանը չի պահել Հոնկոնգի ինքնավարության իր խոստումը»,-նշել է նա:



loading...