Կապիկները ներխուժել են Հնդկաստանի բժշկական քոլեջի լաբորատորիա, հարձակվել աշխատակիցներից մեկի վրա և, ենթադրաբար, գողացել կորոնավիրուսով հիվանդ երեք մարդու արյան թեստերը: Հարձակվողներն անմիջապես փախել են դեպքի վայրից:
Շուտով կապիկներից մեկին նկատել են ծառի գագաթին. կենդանին նստել և կրծում էր գողացված նմուշը:
Քոլեջի աշխատակիցները մտավախություն ունեն, որ միջադեպը կհանգեցնի տարածաշրջանում կորոնավիրուսի էլ ավելի տարածմանը: Քոլեջում նշել են, որ կենդանիները նախկինում էլ են խնդիրներ առաջացրել, բայց նման լուրջ դեպք երբևէ չի եղել: