Ինչպես հայտնում է РИА Новости-ն՝ հղում անելով Իրանի նախագահի կայքին, Իրանի և Թուրքիայի նախագահներ Հասան Ռոհանին և Ռեջեփ Թայիփ Էրդողանը կիրակի քննարկել են օդային սահմանները բացելու հնարավորությունը կորոնավիրուսի պայմաններում:
«Ներկայիս պայմաններում ցամաքային և օդային սահմանների բացումը բժշկական կանոնակարգերին համապատասխան, ինչպես նաև առևտրի վերսկսումը և ապրանքների տեղափոխումը անհրաժեշտություն է»,- ասել է Ռոհանին Էրդողանին
Էրդողանն էլ իր հերթին, ընդգծել է, որ այդ առնչությամբ անհրաժեշտ հրահանգներ կտրվեն:
Առաջնորդները քննարկել են նաև կորոնավիրուսի տարածմանը դիմակայելու հարցում տեղեկության և փորձի փոխանակումը՝ ընդգծելով այդ գործընթացի կարևորությունը: