Հանցագործը, նախնական տվյալների համաձայն, պատանդ է վերցրել առնվազն հինգ մարդու Մոսկվայի «Ալֆա բանկի» գրասենյակում և սպառնում է պայթեցնել բանկը: Այս մասին ТАСС-ին հաղորդել է արտակարգ իրավիճակների ծառայությունում գտնվող աղբյուրը:
Ըստ աղբյուրի՝ հանցագործը կրում է սև բաճկոն և սպորտային վարտիք. նա սև դիմակով է:
«Նրա ձեռքին կա դեղին պայուսակ, նրա վստահեցմամբ՝ ներսում պայթուցիկ սարքով»,- հայտնել է աղբյուրը:
Իրավապահները բանակցություններ են վարում չարագործի հետ:
Ներկայումս, ըստ աղբյուրի, տեղում աշխատում են օպերատիվ բոլոր ծառայությունների ներկայացուցիչները: Դեպքի վայրում է Ռուսաստանի Գվարդիայի հատուկ արագ արձագանքման ջոկատը:
Մոսկվայի տրանսպորտի տեղեկատվական կենտրոնը հաղորդել է արտակարգ իրավիճակի տարածքում երթևեկության արգելափակման մասին:
