Տիգրան Աթանեսյանի բնակարանի վրա հարձակման դեպքի առթիվ նյութեր են նախապատրաստվում. Ոստիկանություն


Տիգրան Աթանեսյանի բնակարանի վրա հարձակման դեպքի առթիվ նյութեր են նախապատրաստվում. Ոստիկանություն
Մայիս 22 21:46 2020

Փաստաբան Տիգրան Աթանեսյանի տան վրա հարձակման դեպքի առթիվ նյութեր են նախապատրաստվում։ Այս մասին NEWS.am-ի հարցմանն ի պատասխան հայտնեց Ոստիկանության հասարակայնության հետ կապի եւ լրատվության վարչության ԶԼՄ-ների հետ կապի, վերլուծության եւ լրատվության բաժնի պետ Էդգար Ջանոյանը։

«Ահազանգ ստացվել է. դեպքի առթիվ նյութեր են նախապատրաստվում»,- հայտնեց նա։

Ավելի վաղ հայտնել էինք,  որ երեկ ցերեկը 16:00-ի սահմաններում, հարձակում է տեղի ունեցել փաստաբան Տիգրան Աթանեսյանի բնակարանի վրա: 4 տղամարդիկ ներխուժել են բնակարան: Փաստաբանը տանը չի եղել. բնակարանում են եղել կինն ու անչափահաս երեխաները: Հարձակվողները սպառնալիքներ են հնչեցրել փաստաբանի հասցեին ու հեռացել:



loading...