Կրիշտիանու Ռոնալդուի ընկերուհի Ջորջինա Ռոդրիգեսը բարեգործական աճուրդի է մասնակցում, որի միջոցներն ուղղվելու են կորոնավիրուսի համաճարակի դեմ պայքարին։ Աճուրդի համար նախատեսված առարկաների թվում է նաև Ռոնալդուի մարզաշապիկը՝ նրա ստորագրությամբ։
«Մենք հիմա դժվար ժամանակներ ենք ապրում։ Մեր բուժանձնակազմը պետք է զինված լինի լավագույն միջոցներով։ Ահա թե ինչու եմ որոշել օգնել։ Զգեստապահարանից չորս գեղեցիկ իր եմ ընտրել, որոնց թվում է Ռոնալդուի մարզաշապիկը։ Բոլոր միջոցները կուղղվեն իսպանական հիվանդանոցներին, որոնք պայքարում են կորոնավիրուսի դեմ»,- գրել է Ջորջինան։
