Ռուսաստանի մայրաքաղաք Մոսկվայի Վուչետիչի փողոցում գտնվող N 50 հիվանդանոցում հրդեհ է բռնկվել: Այս մասին հայտնում է Life.ru-ն:
Աղբյուրը հստակեցնում է, որ հրդեհը բռնկվել է մասնաշենքերից մեկի առաջին հարկում, որտեղ գտնվում էին հիմնականում կորոնավիրուսով հիվանդ պացիենտները: Նրանք անմիջապես տարհանվել են, սակայն հրդեհի հետևանքով մեկ մարդ մահացել է:
Նշվում է, որ հրդեհը հաջողվել է մեկուսացնել, սակայն տեղում շարունակում են աշխատել հրշեջ-փրկարարները: Նախնական վարկածով՝ հրդեհը կարող էր առաջանալ թթվածնային բալոնի պայթյունից: Հանգամանքները պարզվում են:
