ՀՀ արտգործնախարար Զոհրաբ Մնացականյանն այսօր՝ լրագրողների հետ ճեպազրույցում ասաց, որ գազի գնի շուրջ բանակցությունները շարունակվում են:
«Գազի հարցը մեզ համար շատ էական է, և մենք շարունակելու ենք քննարկել այն մեր գործընկերների հետ»,- ասաց նախարարը:
Ըստ նրա՝ ՀՀ-ն ունի դաշնակցային հարաբերություններ ՌԴ-ի հետ, որի օրակարգը չափազանց ընդարձակ է:
«Ունենք հարցեր, որոնք դաշնակից երկրները միմյանց հետ քննարկում են: Մենք, համենայն դեպս, մտադրված ենք նույն ոգով, ինչպես աշխատել ենք վերջին 2 տարվա ընթացքում»,- նշեց նախարարը:
