Երևանի «Ուրարտու» ֆուտբոլային ակումբի մամուլի ծառայությունը տեսանյութ է հրապարակել՝ նվիրված Հայոց ցեղասպանության 105-րդ տարելիցին:
«Ցեղասպանությունը մարդկության դեմ իրականացված մեծագույն հանցագործությունն է։ Արդեն 105 տարի է ինչ հայ ժողովուրդն ապրում է սրտում ունենալով մեծ սպի։
Մարդկանց հետ այդպես վարվել չի կարելի։ Այս տեսանյութի ուղերձը հենց դա է»,- ասված է «Ուրարտուի» տարածած հայտարարության մեջ:
Ավելի վաղ Հայոց ցեղասպանության զոհերի հիշատակի օրվան նվիրված գրառում կատարել էին նաև Հայաստանի ազգային հավաքականի և իտալական «Ռոմայի» կիսապաշտպան Հենրիխ Մխիթարյանն ու հունահռոմեական ըմբշամարտի օլիմպիական չեմպիոն, աշխարհի եռակի, Եվրոպայի հնգակի, Եվրոպական խաղերի չեմպիոն Արթուր Ալեքսանյանը:
