Մեծ Բրիտանիայի վարչապետ Բորիս Ջոնսոնը 10 օր շարունակ չվերացող կորոնավիրուսի ախտանիշների պատճառով երեկ հոսպիտալացվելուց հետո դեռեւս հիվանդանոցում է, հայտնում է Reuters-ը:
«Վարչապետը դեռեւս հիվանդանոցում է: Նա գիշերն անցկացրել է հիվանդանոցում»,- հայտնել է բրիտանական կառավարությունում աղբյուրը:
Ջոնսոնը մարտի վերջին վարակվել էր նոր տեսակի կորոնավիրուսով եւ ինքնամեկուսացվել Դաունինգ սթրիթի իր նստավայրում: Նախօրեին նա հոսպիտալացվել էր 10 օր շարունակ չվերացող կորոնավիրուսի ախտանիշների պատճառով: Նրա բժիշկների կարծիքով՝ վարչապետը լրացուցիչ հետազոտության կարիք ունի:
